Blog vir KANKER

Kanker

November 19, 2009
KANKER

Hier kan kankerlyers en hul geliefdes met ander mense gesels oor hul terapie, behandeling, gevoelens en die pad wat hulle stap ...

Add new comment

Show/Hide Comments (12)

Elize Reynecke

Nov-23 9:47am

Hi almal

Welkom by die Blog.

Met hierdie Blog wil ek poog om 'n ondersteuningstelsel vir kankerpasiënte, familie, vriende en kollegas op die been te bring - maak nie saak of jy kanker HET of GEHAD het nie en dit maak ook nie saak watse tipe kanker dit was of is nie. Hoe meer inligting hier beskikbaar gestel word, hoe meer mense kan bereik en bemoedig word.

Ek het onlangs bietjie inligting opgesoek oor een van die chemoterapie-pille (Xeloda) en het toe ontdek dat die Blogs oorsee waar pasiënte en hul geliefdes met ander mense gesels, vir my baie meer inligting kon verskaf as die spesifieke kanker- en medisyne blogs. Op die blogs kon jy sien hoe mense 'n pad saam stap, hoe hulle mekaar bemoedig deur die siek dae sowel as die goeie dae, hoe familie en vriende raad vra en ontvang oor die newe-effekte en simptome deur kankerlyers wat self die pad stap.

Dus ... my grootste begeerte en wens is dat die Liewenheer hierdie Blog sal gebruik om mense by mekaar uit te bring om elke dag makliker te maak deur die besef dat hul nie alleen staan nie.

Jy mag anoniem skryf of jy mag jou naam plaas, jy is selfs welkom om jou besonderhede soos 'n e-pos adres te plaas onderaan jou skrywe as jy voel dis nodig.

Seënwense en gebruik asseblief hierdie instrument om ander te help en op te lig.

Elize Reynecke
elizereynecke@gmail.com

Charmaine

Nov-23 9:49am

Ek is in 1997 gediagnoseer met kanker in my vrouedele. Met 'n historektomie is alles verwyder en ek moes vir bestraling gaan. Ek wil net al die lof en eer aan ons Koning gee wat m totaal daarvan genees het. Daar is lewe na kanker - gee dit net aan God oor en hy doen die heling daarvan.

Elize

Nov-23 10:00am

Ek prys die Here saam met jou Charmaine!

Ek het ook in 2000 'n nood-historektomie gehad weens kanker in die vrouedele en so drie jaar gelede het ek velkanker gehad. Die behandeling was 'n aaklige ondervinding, maar ek kan ook nie genoeg dank aan die Liewenheer gee vir die genesing nie.

My man se oorlede vrou het ook kanker gehad, eers in die bors, toe in remissie en daarna skielik in haar hele liggaam. Die lyding was nie vir hulle lekker om te aanskou nie, die behandelingkostes was fenominaal hoog en die hartseer was nie minder toe sy op 11 Junie 2007 oorlede is nie.

Dankie dat jy gedeel het Charmaine, ek waardeer dit opreg!

Seënwense
Elize

amanda

Nov-25 8:35am

vandag is dit presies 'n jaar dat my pa dood is aan kanker

Elize

Nov-25 8:39am

Hi Amanda!

Ek kan net dink hoe seer is jou hart vandag en hoe jy verlang. My eie pappie is nou 18maande oorlede (hartaanval) en ek weet hoe brand die verlange soms ... dus kan ek vandag net vir jou sê sterkte, mag jou herinneringe vandag mooi wees en jou deurdra.

Dankie dat jy met ons gedeel het. En as jy eendag voel om te skryf (want dit help om heel te word en die seer ligter te maak), dan kan jy vir ons skryf hoe was jou ervaring om as geliefde 'n pad saam met jou pa te stap.

My mooiste wense
Elize

amanda

Nov-27 9:14am

Dinsdag is dit die 1ste Desember ek en my man se huweliksherdenking dan is ons 2 jaartjies getroud (my 2de huwelik) en ek was nog nooit so gelukkig nie. hy is 'n juweel van 'n man en ek dank die Here elke dag vir n man soos hy. hy het my en my kind "onder sy vlerk" geneem en gee net vir ons liefde-nie dat ek dit kan se van die x man nie LOL. ons pa laas jaar op ons huweliksherdenking begrawe. ma het eers gese ons kan nie want dit is ons huweliksherdenking maar toe se ek vir haar dan is pa darem nog ten minste deel van ons dag op 'n manier
weet julle hoe snaaks was dit toe ek in daardie kerk sit toe sit ek en dink presies 'n jaar terug was ons in daardie kerk, en hy het my ingebring na my nuwe man toe en nou loop ons en bring hom in (ek was een van die draers)
Ag die was maar nou net 'n afpak sessie

Elize

Nov-27 9:26am

Wow Amanda, dit was 'n wonderlike manier om jou pa altyd deel van julle herinneringe te hou! Jy het dit so mooi beskryf!! My pa is ook 'n skrale 5 weke na my troue (2de huwelik verlede jaar), oorlede. As ek maar net geweet het dit was die laaste dans ooit met my pa!

Mag jy 'n wonderlike naweek hê en weereens duisend dankies dat jy so deel met ons, dit beteken geweldig baie!!

Mooiste wense
E.

Emb

Dec-11 8:34am

Enige raad vir erge pyn (nog nie op morfien) vir kanker wat in die bene van die heup en skouer is?

amanda

Dec-15 9:03am

hi daar
toe my pa so erge pyn begin kry het het ons na Hospice toe gegaan en hul het vir hom 'm morfienstropie gegee wat hy elke 4 uur moes drink dit het aan die begin gehelp. kontak Hospice hulle sal jou help

Tercia du Plessis

Jul-14 11:12pm

Ek is 3 jaar gelede met 'n Breinstam Glioom gediagnoseer, dokters het my slegs 'n maand gegee om te lewe. Ek werk en slyp nog aan my getuienis en sal dit eendag hier plaas. Ek sal baie graag van mense wil hoor met dieselfde diagnose.

Baie dankie Elize vir 'n uitstekende Blog!
Tercia du plessis

e-pos:- tercia111dup@yahoo.com

Alphanumeric characters only

Aug-3 10:40am

My man van 74 jaar is so 'n maand gelede gediagnoseer met prostaatkanker wat versprei het na sy skelet - die dokter se woorde was hy is deurtrek. Op die oomblik gaan dit goed maar kan iemand help met waarvoor ek kan uitkyk en simptome wat ek te wagte kan wees. Die enigste behandeling wat hy kry is 'n estrogeen inspuiting elke drie maande

Dankie
Leonie

Elize

Aug-5 3:05pm

Hi julle almal!

Jong ek is baie opgewonde!!! Die Bosvelder Koerant van Potgietersrus en die Noordwester van Lichtenburg is bereid om artikels te plaas om hierdie kanker blog bekend te stel. Is dit nie fantasties nie???

Bid asseblief saam met my hieroor dat die Liewenheer dit as 'n instrument sal gebruik om kankerlyers en hulle gesinne, vriende, familie en kollegas bymekaar uit te bring vir ondersteuning en bemoediging sodat die lang pad van kankerlyers blomme langs die pad kan hê.

Liefde en seënwense
Elize

Archives

November 2009